Тетовската гимназија има доста стара историја. Таа започна со работа од 1910 година, во објектот на поранешното медицинско училиште. Од 1912 до 1929 година образовниот процес се одвиваше на спрско-хрватски јазик со неколку прекини поради Балканските војни и Првата светска војна.

Од учебната 1929/1930 до 1939/1940, за време на Кралството СХС, образовниот процес се вршеше непрекинато. Во тоа време гимназијата била нарекувана: Реална државна гимназија во Тетово.

Но, образованието во гимназија било овозможено само за ограничен број на деца кои потекнуваат од побогати семејства од градот и селата околу него.

Во текот на Втората светска војна, почнувајќи од 17-ти февруари 1941 година наставниот процес се одвиваше на албански јазик, а гимназијата беше именувана како „Хасан Таксини“, а  како прв директор беше именуван г. Кел Гаши. Наставниот процес се одвиваше до ноември 1944 година.

По антифашистичката војна, гимназијата „Кирил Пејчиновиќ“ повторно започна со работа на 27-ми февруари 1945 година. Одлуката беше донесена на Заседанието на АСНОМ на 3 - ти ноември 1944.  Во првата учебна година условите за работа беа доста лоши, но со помош на професорите и работата на учениците за кратко време беа создадени можности за нормална воспитно-образовна работа. Иако фондот на наставните часови беше голем, сепак наставата се одвиваше непрекинато и успешно.

Во учебната 1945/1946 година биле запишани вкупно 277 ученици во 8 паралелки од I до VIII-мо одделение. Наставниот процес се реализирал со вкупно 11 наставници предводени од првиот директор Јован Мојсов. Првата генерација на матуранти, вкупно 13, дипломираа во учебната 1946/1947 година. Секоја учебна година бројот на матуранти се зголемува така што јасно се покажува интересот на учениците и нивните родители за гимназиското образование.голе, број ученици кој дипломирале во оваа гимназија успешно ќе го продолжат образованието во некое од вишите школи и факултети, во земјата но и надвор од неа. Треба да се истакне фактот дека околу 96% од наставниците, кои се вработени во овој колектив биле и ученици во ова училиште. Речиси со ист процент е и состојбата во органите и другите организации во состав на општина Тетово.

Тетовската гимназија била и ќе остане како главен извор за квалитетен професионален кадар, во општествените, економски и во други дејности. Главна дејност на оваа институција е воспитувањето и образованието на учениците. Прашањето на квалитетната воспитно-образовна работа завзема главна улога во задачите на професионалните органи на гимназијата, како што се: Наставничкиот Совет, Совет на стручниот актив и Советот на паралелките.

Во гимназијата биле застапени следниве насоки: гимназиско образование (општа насока, природно-математичка и јазична насока), како и педагошка, математичко-информатичка, рударско-металуршка и хемиско-технолошка насока.

Од учебната 1982/1983 година е реализиран концептот за насочно воспитание и образование во средните училишта кој траел до учебната 1991/1992. Но, од учебната 1992/1993 повторно ќе се спроведе концептот за гимназиско образование. Од оваа учебна година па наваму, успесите во гимназијата постепено се зголемуваат, а со тоа ќе се зголеми и интересот за упис на ученици во гимназијата.

Ul: Ilindenska” bb
Tel: 044/339-070