Училиштето е лоцирано на излез од градот Тетово, на патот за Гостивар. Во близина на училиштето се наоѓа Средното Земјоделско училиште, Штуловиот и Тетовскиот  универзитет. Бидејќи училиштето е оддалечено од центарот на градот, пристапот до него е овозможен со градски автобуски превоз, комби возила како и со автобусите кои се обраќаат до Гостивар.

Општина Тетово се простира во долниот дел од плодната Полошка Котлина и Шар Планина. Градот Тетово со општините кои гравитираат во неа  има околу 180000 жители  од кои 65000 живеат во потесното градско подрачје ,од кое 60% се работоактивно население.
Градот има развиена инфраструктура, со концентрација на индустриски и стопански објекти, административни установи, културни и спортско – рекреативни  објекти, здравствени установи и сл.

Во општината работат 34 основни училишта во кои наставата ја следат околу 26000 ученици и 5 средни училишта со над 10000 ученици. Во градот има и два универзитети. Од културните објекти работат: Домот на културата,1 Работнички Универзитет и  1  Градска библиотека. Од спортот и физичката култура карактеристично е дека функционираат околу 50 организации со свои активни членови.
Историјат на училиштето

Општинско Средно Медицинско Училиште “ Никола Штејн” – Тетово е формирано во 1961 година со решение бр: 05-5685 од страна на Собрание на општина Тетово под назив Средно Медицинско Училиште  за медицински сестри- техничари, а во 1979 година со решение на Окружниот Стопански суд во Скопје  училиштето го добива називот  Училишниот Медицински Центар “ Никола Штејн” а од април 2007 год. Општинско Средно Медицинско Училиште “ Никола Штејн” – Тетово , како работна организација без основни организации на здружен труд.

Во 1961 година училиштето започнува да работи само со две паралелки на македонски наставен јазик, додека во 1967/68 година се отвараат и паралелки на албански наставен јазик, а во 1987/88 и на турски наставен јазик.Бројот на ученици и паралелки од година во година расте така што денес училиштето работи со 76 паралелки на трите наставни јазици запишани во 7 профили од кои 5 во здравствена струка (мед.сестра, забен техничар, фармацевтски техничар, физиотерапевтски техничар и мед.лабараториски техничар)  и 2 профили од струката лични услуги на албански наставен јазик ( козметички техничар и техничар за очна оптика) со околу 2600 ученици.

Од учебна 2005/06 година наставата се одвива во новоизграден објект со сите услови за успешно одвивање на наставата по програмата за Реформирано Средно Стручно образование.

Адреса: Ул:Илинденска бб
Тел: 044  339 110
Факс: 044  332 511
Е-маил: s.medicina@mt.net.mk