Историјат на училиштето

Средното стручно општинско училиште “Моша Пијаде“- Тетово е основано во далечната 1928. година како Ниже земјоделско училиште. Во учебната 1946/47 година училиштето прераснало во Средно земјоделско училиште со тригодишно траење, а во учебната 1950/51 година преминало во четиригодишно. 

Од 1960. година училиштето го носи називот Средно земјоделско училиште “Моша Пијаде“- Тетово. Во 1961. година, денот на смртта на Моша Пијаде-15 март- бил прогласен за патронен празник на училиштето. Поради се поголемото општествено запоставување на земјоделството   и зголемените потреби на стопанството од други профили на кадри, Средното земјоделско училиште во 1973. година се трансформирало и прераснало во Училишен центар за образование на стручни кадри на стопанството “Моша Пијаде“- Тетово. Во 2006. година  училиштето го менува називот во Средно стручно општинско училиште “Моша Пијаде“- Тетово.

Денеска во училиштето се образуваат околу 1.500 ученици во вкупно 75 паралелки, според наставните планови и програми за сообраќајна, машинска, земјоделско- ветеринарна, угостителско- туристичка, електротехничка, градежно- геодетска и шумарско- дрвопреработувачка струка.Наставата се изведува на македонски и албански јазик, во две училишни згради и во две смени.

Училиштетo брои вкупно 206 работници од кои 152 наставници, 10 администратори (директор, помошник директор, псиколог, социолог, благајник, педагог и секретар) и 44 текнички персонал

Адреса: Илинденска бб
Тел: 044 330-494; 330-496
Е-маил: mosapijedi@t-home.mk 
Патронатот: 15 Март