Центарот за култура „Иљо Антески Смок“-Тетово, е изграден во 1973 година, додека администрацијата званично започна со работа во 1975 година. Овој објект има простор од 6.500 м2, од кои 672 м2 се дел што припаѓа на сцената, додека во сцената функционира и системот за ротација.

За организирање на музичко-сценски активности, драмски претстави и разни културни, образовни, политички и верски активности овој центар располага со голема сала со вкупно 661 место за седење, како и мала сала за камерни концерти и промоции со 100 места. Исто така, сместено е и фоајето на влезот во објектот, соодветен за реализација на разни изложби.
Центарот за култура е главен носител на културни, уметнички и политички активности во Тетово.

Соодветно е за разни музички концерти, промоции и изложби, концерти на разни ансамбли, одржување на политички конгреси , а во исто време преку сопствена матична продукција, активно дејствува во создавањето на културните вредности. Секоја година во просториите на оваа културна институција својата активност ја обавуваат десетици уметници од разни професии како актери, музичари, пеачи и играорци.Само во големата сала секоја година се организираат над 130 активности со над 50.000 посетители.

Простории

Фоаје за изложба, мала сала, голема сала, сали за вежби и премиери

Сектори:
- Драмски сектор
- Книжевен сектор
- Ликовен сектор
- Музички сектор
- Балетски сектор
- Фолклорен сектор

Моментално во објектот на Центарот за култура се сместени:
- Центарот за култура
- Тетовски Театар
- Градска библиотека
- Американско катче и
- Факултетот на уметности при ДУТ

Адреса: бул. “Илирија” бб.
Постален Фах 191
Тел/Фах 00389 44 332 499
00389 44 333 297
Тел. (Директор) 00389 44 350 226
e-mail ckia.smok@yahoo.com