Околината на Тетово со своите природни убавини и историски споменици, постепено се промовира како атрактивен туристички центар во Македонија. Водечко место во областа на туризмот  има Попова Шапка со убавините на Шар Планина во склоп на планинскиот масив, со релативна височина, снегот го разубавува овој мошне убав спортско-рекреативен центар. Центарот Попова Шапка се наоѓа на 1780 м. надморска височина, на 18 км од Тетово, на 48 км од Скопје(70 км од аеродромот во Скопје). До центарот се стигнува по асфалтен пат и преку жичарница со должина од 7 км, односно се пристигнува за 40 мин, со разлика на висина од 1400м.

Попова Шапка има 11-ски лифтови со должина од  7,7 км кои ги поврзуваат ски патеките со надморска височина од 1070-2510 м.Должина на ски патеките е 20 км од кои 3 се според критериумите на ФИС.